அஜீத்தின் “விவேகம்” திரைப்படத்தில் தான் ஒரு தமிழ்ப்பெண்ணாக நடித்து வருவதாக கூறிய காஜல், கணவன் - மனைவி உறவின் பெருமையை போற்றும் வண்ணம் இந்த திரைப்படத்தில் அஜீத் மற்றும் தனது கேரக்டர்கள் அமைந்துள்ளதாக தெரிவித்துள்ளார்.
மேலும், “விஜய் 61” திரைப்படத்தை இயக்கி வரும் அட்லி குறித்து காஜல் கூறியபோது, “அட்லி தனது திரைப்படத்தில் நாயகிகளுக்கு முக்கியத்துவம் கொடுத்து திரைக்கதை அமைப்பவர் என்பது அவரது முந்தைய திரைப்படங்களில் இருந்து தெரிந்து கொள்ளலாம்.
அதேபோல் “விஜய் 61” திரைப்படத்திலும் என்னுடைய கேரக்டரை மிகவும் கூர்மையாக செதுக்கியுள்ளார். நீங்கள் ஒரு வித்தியாசமான காஜலை இந்த திரைப்படத்தில் பார்ப்பீர்கள். “துப்பாக்கி”, “ஜில்லா” திரைப்படங்களுக்கு பின்னர், விஜய்யுடன் இணைந்து நடிப்பதில் எனக்கு மிகுந்த சந்தோஷம்” என்று கூறியுள்ளார்.
Post A Comment: