குத்து பாட்டுக்கு ஆட, 65 இலட்சம்

“மெட்ராஸ்” திரைப்பட நாயகி, குத்து பாட்டுக்கு ஆட, 65 இலட்சம் இந்திய ரூபாய் சம்பளம் வாங்கியுள்ளார்.

நடிகர் கார்த்தியுடன், “மெட்ராஸ்” திரைப்படம் மூலம், தமிழில் அறிமுகமானவர் நடிகை கெத்ரின் தெரசா. இவர் நடித்த, “கடம்பன்” திரைப்படம், விரைவில் திரைக்கு வர உள்ளது. கைவசம், இரண்டு தமிழ் மற்றும் தெலுங்கு திரைப்படங்கள் உள்ளன.

இந்நிலையில், தெலுங்கு திரைப்பட தயாரிப்பாளரின் மகன் சீனிவாஸ் நாயகனாக நடிக்கும் திரைப்படத்தில், குத்து பாட்டுக்கு நடனம் ஆட, கெத்ரின் தெரசா, 65 இலட்சம் இந்திய ரூபாய் சம்பளம் பெற்றுள்ளார். 

இது, தமிழ் மற்றும் தெலுங்கு திரைப்பட உலக நடிகையருக்கு கடுப்பை கிளப்பி உள்ளது. இளம் நாயகியரிடையே போட்டி அதிகரித்து உள்ளதால், காற்றுள்ள போதே துாற்றிக் கொள்ள தெரிந்த நடிகை என்ற பெயரையும், கெத்ரின் தெரசா பெற்றுள்ளார்.