சிவகார்த்திகேயன், நயன்தாரா நடிப்பில் மோகன் ராஜா இயக்கி வரும் “வேலைக்காரன்” திரைப்படத்தின் படப்பிடிப்பு விறுவிறுப்பாக நடந்து வருகிறது. இந்த முக்கிய வேடத்தில் நடிக்கவுள்ள நடிகை சினேகாவுக்கு இயக்குநர் ஒரு கண்டிஷன் போட்டுள்ளாராம்.
சினேகா தனது உடல் எடையை பத்து கிலோகிராம் குறைக்க வேண்டும் என்பதுதான் அந்த கண்டிஷன். கடந்த 2015ஆம் ஆண்டு சினேகாவுக்கு குழந்தை பிறந்த பின்னர் உடல் எடை அதிகரித்துவிட்டது.
ஆனால், இந்த திரைப்படத்தில் அவர் ஸ்லிம் ஆக இருக்க வேண்டிய கேரக்டர் என்பதால் இயக்குநர் கண்டிப்பாக பத்து கிலோகிராம் எடையை குறைக்க வேண்டும் என்று கூறிவிட்டதால் தற்போது சினேகா அதற்கான முயற்சியில் ஈடுபட்டுவருகிறார்.
காலை, மாலை என இரண்டு வேளைகளிலும் வீட்டிலேயே உடற்பயிற்சி செய்து வரும் சினேகா தற்போது 7 கிலோகிராம் எடையை குறைத்துவிட்டதாகவும், இன்னும் ஒருசில நாட்களில் மேலும் மூன்று கிலோகிராம் எடையை குறைத்து படப்பிடிப்புக்கு தயாராகிவிடுவார் என்றும் கூறப்படுகிறது.
சிவகார்த்திகேயன், நயன்தாரா, பகத் பாசில், பிரகாஷ்ராஜ், சினேகா, ரோகினி, ஆர் ஜே பாலாஜி, சதீஷ் மற்றும் ரோபோ ஷங்கர் உள்பட பல முன்னணி நடிகர் நடிகைகள் நடித்து வரும் “வேலைக்காரன்” திரைப்படத்துக்கு இளம் இசைப்புயல் அனிருத் இசையமைத்து வருகிறார்.
Post A Comment: