வயது ஏற ஏற நயன்தாராவின் மார்க்கெட்டும் எகிறிக்கொண்டே போகிறது. பில்லா படம் வந்த நேரத்தில் கவர்ச்சி புயலாக இருந்து வந்த நயன்தாரா, இப்போது நடிப்பு புயலாக உருவெடுத்திருக்கிறார். குறிப்பாக, தனி ஒருவன் படத்திற்கு பிறகு மாயா படத்தில் கதையின் நாயகியாக நடித்த நயன்தாரா தற்போது சற்குணம் தயாரிக்கும் டிக் டிக் டிக் படத்திலும் லீடு ரோலில் நடித்து வருகிறார். மேலும் சில கதைகளில் நடிக்கவும் கதை கேட்டு வைத்திருக்கிறார்.
அதேசமயம், விக்ரம், கார்த்தி உள்ளிட்ட சில பிரபல ஹீரோக்களுடனும் இணைந்து நடித்து வரும் நயன்தாரா, தற்போது ஒரு புதிய கண்டிசனை போட்டு வருகிறார். அதாவது, நானும் ரெளடிதான் படத்தில் விஜயசேதுபதிதான் ஹீரோ என்றாலும், அந்த படத்தின் கதை என்னை மையப்படுத்திதான் இருந்தது. அதனால், ஜூனியர் நடிகர்களுடன் நான் ஜோடி சேர வேண்டும் என்றால் என்னை மையப்படுத்தும் கதைகளாக இருக்க வேண்டும் என்கிறார். இதனால் இளவட்ட நடிகர்களுடன் நடிப்பதற்காக நயன்தாராவிடம் பேசிக்கொண்டி ருக்கும் டைரக்டர்கள், இப்போது அவரை முன்னிறுத்தி கதையில் திருத்தம் செய்து கொண்டிருக்கிறார்கள். ஆனால் நயன்தாராவின் இந்த முடிவினால் இளவட்ட நடிகர்கள், நாம் டம்மி ஹீரோவாகி விடுவோமோ என்று அதிருப்தியில் உள்ளனர்.
Post A Comment: