‘நெஞ்சம் மறப்பதில்லை’ புது டிரையிலர்

‘இரண்டாம் உலகம்’ படத்திற்கு பிறகு செல்வராகவன் இயக்கத்தில் தயாராகியுள்ள படம் ‘நெஞ்சம் மறப்பதில்லை’. இது தவிர கைவசம் சந்தானத்தின் ‘மன்னவன் வந்தானடி’ மற்றும் சூர்யா படம் உள்ளது.

இதில் ‘நெஞ்சம் மறப்பதில்லை’ படத்தில் ஹீரோவாக இயக்குநர் எஸ்.ஜே.சூர்யா நடித்துள்ளார். அவருக்கு ஜோடியாக நந்திதா, ரெஜினா என இரண்டு நாயகிகள் நடித்துள்ளனர். ‘க்ளோ ஸ்டுடியோஸ்’, ‘சவுத்சைட் ஸ்டுடியோஸ்’ மற்றும் ‘எஸ்கேப் ஆர்டிஸ்ட்ஸ் மோஷன் பிக்சர்ஸ்’ பி.மதனுடன் இணைந்து இயக்குநர் கெளதம் வாசுதேவ் மேனன் தனது 'ஒன்றாக எண்டர்டெயின்மென்ட்' நிறுவனம் மூலம் தயாரித்துள்ளார்.

யுவன் ஷங்கர் ராஜா இசையமைப்பாளராகவும், அரவிந்த் கிருஷ்ணா ஒளிப்பதிவாளராகவும், ஜி.கே.பிரசன்னா படத்தொகுப்பாளராகவும் பணியாற்றியுள்ளனர். சமீபத்தில், ‘நெஞ்சம் மறப்பதில்லை’ டீமால் வெளியிடப்பட்ட இதன் ஃபர்ஸ்ட் லுக் டீசர், 2 டிரையிலர்கள் மற்றும் அனைத்து பாடல்களும் ரசிகர்களிடையே நல்ல வரவேற்பை பெற்றது.

படத்தை பார்த்த சென்சார் குழுவும் ‘யு/ஏ’ சான்றிதழ் அளித்துள்ளது. தற்போது, படத்தின் புதிய டிரையிலரை இயக்குநர் செல்வராகவன் தனது ட்விட்டர் பக்கத்தில் வெளியிட்டுள்ளார்.

1 நிமிடம் 14 நொடிகள் ஓடும் இந்த டிரையிலர் ரசிகர்களிடம் செம லைக்ஸ் குவித்து வைரலாகி வருகிறது. அதுமட்டுமின்றி, படத்தின் மீதான எக்ஸ்பெக்டேஷன் லெவலை உச்சத்திற்கு கொண்டு சென்றுள்ளது. படத்தை வருகிற ஜூன் 30-ஆம் தேதி ‘ஸ்ரீ ராஜ் ஃபிலிம்ஸ்’ நிறுவனம் ரிலீஸ் செய்யவுள்ளது. இதனைத் தொடர்ந்து எஸ்.ஜே.சூர்யா கால்ஷீட் டைரியில் விஜய்யின் ‘தளபதி 61’, மகேஷ் பாபுவின் ‘ஸ்பைடர்’, அஸ்வின் சரவணனின் ‘இறவாக்காலம்’ என அடுத்தடுத்து படங்கள் வண்டி கட்டி நிற்கிறது.