சூரிக்கு ஜோடி நயன்தாராவா?

சந்தானம் ஹீரோவான சமயத்தில் சூரியையும் ஹீரோவாக்கி விட வேண்டும் என்று சிலர் கதைகளுடன் அவரை துரத்திக்கொண்டு திரிந்தனர். ஆனால் அவர் சிக்கவில்லை. கடைசி வரை காமெடியனாகவே இருந்து விட்டுப்போகிறேன் ஆளை விடுங்க சாமி என்றபடி காமெடியனாகவே இப்போதுவரை தொடர்ந்து வருகிறார். இந்த நிலையில், புதுமுக இயக்குனர் ஒருவர் இயக்கும் படத்தில் சூரிக்கு ஜோடியாக நயன்தாரா நடிக்கயிருப்பதாக செய்திகள் வெளியாகியுள்ளன.

ஆனால் இதுகுறித்து, நயன்தாரா தரப்பில் விசாரித்தால், எங்களிடம் பல டைரக்டர்கள் வந்து கதை சொல்கிறார்கள். அதில் எந்த கதையில் சூரி இருக்கிறார் என்பது எங்களுக்கே தெரியவில்லை. ஆனால் அப்படியே இருந்தாலும் அது நயன்தாராவை மையப்படுத்திய படமாகத் தான் இருக்கும். அதில் சூரி காமெடியனாக வேண்டுமானால் நடிக்கலாம். அப்படித்தான் இருக்க வாய்ப்பிருக்கிறது என்கிறார்கள்.