தெறி படத்தின் மாபெரும் வெற்றிக்கு பிறகு விஜய், ‛அழகிய தமிழ் மகன்' இயக்குநர் பரதன் இயக்கத்தில் நடித்து வருகிறார். விஜய்யின் 60வது படமாக உருவாகி வரும் இப்படத்திற்கு இன்னும் பெயர் வைக்கவில்லை.
விஜய் ஜோடியாக கீர்த்தி சுரேஷ் நடிக்கவுள்ளார். விஜய் இப்படத்தில் இரண்டு வேடங்களில் நடிக்க இருப்பதாக கூறப்படுகிறது. சந்தோஷ் நாராயணன் இசையமைக்கிறார், விஜயா புரொடக்ஷ்ன்ஸ் தயாரிக்கிறது. இப்படத்தின் முதற்கட்ட படப்பிடிப்பு சென்னை மற்றும் ஐதராபாத்தில் நடந்துள்ளது.
அடுத்க்கட்ட படப்பிடிப்பு நாளை முதல் ஆரம்பமாக உள்ளது. இந்நிலையில் இப்படத்தில் விஜய் பற்றி ஒரு சுவாரஸ்ய தகவல் கிடைத்துள்ளது. அதாவது விஜய் இப்படத்திற்காக தனது உடல் எடையை 10 கிலோ குறைத்து நடிக்க உள்ளாராம். ஏற்கனவே இளமையாக படங்களில் தோன்றும் விஜய், இந்த விஜய் 60 படத்தில் இன்னும் இளமையாக தோன்றுவார் என்று கூறப்படுகிறது.
Post A Comment: