“பாகுபலி” திரைப்படத்தின் முதல் பாகத்துக்கு “பாகுபலி - ஆரம்பம்” (Baahubali - The Beginning), இரண்டாம் பாகத்துக்கு “பாகுபலி - முடிவு” (Baahubali - The Conclusion) எனப் பெயர் வைத்தார்கள்.
இரண்டாம் பாகத்திலேயே முடிவு என்று சொல்லிவிட்டதால் “பாகுபலி” திரைப்படத்தின் மூன்றாம் பாகம் வர வாய்ப்பில்லை. “இருந்தாலும் மிகப் பெரும் வெற்றி இரண்டு பாகங்களுக்கும் கிடைத்துள்ளதால் பாகுபலியின் மூன்றாம் பாகம் வராதா?” என சில நாட்களுக்கு முன் பிரிட்டிஷ் திரைப்படக் கல்லூரியில் ராஜமௌலியிடம் கேட்கப்பட்டது.
அதற்கு பதிலளித்த ராஜமௌலி, “என்னுடைய அப்பா விஜயேந்திர பிரசாத், இதற்கு முன் கொடுத்தது போன்ற சுவாரசியமான கதையைக் கொடுத்தால், இத்துடன் நிறுத்த வேண்டிய அவசியமில்லை. மீண்டும் ஒரு பாகுபலி படத்தை உருவாக்கலாம்” எனச் சொல்லியிருக்கிறார்.
இதற்கு முன்பு மூன்றாம் பாகம் பற்றி பேசும் போது, “வேறு நட்சத்திரங்களுடன், வேறு கதையில் மகிழ்மதி பேரரசு பற்றி திரைப்படம் எடுக்கலாம்” என்று ராஜமௌலி சொல்லியிருந்தார். இருந்தாலும் அடுத்த 5 வருடங்களுக்குள் அடுத்த பாகம் வருமா என்பது சந்தேகம்தான்.
Post A Comment: