அஜித்துக்கும் எனக்கும் முன் ஜென்மத்தில் இருந்தே பந்தம் உள்ளது

கோலிவுட் திரையுலகில் வளர்ந்து வரும் நடிகர்களும் சரி, பிரபல நடிகர்களும் சரி அஜித் குறித்து புகழ்ந்து பேசுவது, அவரது சாதனைகள் குறித்து பேட்டியளிப்பது, அவரது உயர்ந்த மனிதத்தன்மை குறித்து தங்கள் கருத்துக்களை சமூக வலைத்தளங்களில் பகிர்ந்து வருவது ஆகியவற்றை வாடிக்கையாக்கி உள்ளனர். இந்த வகையில் அஜித் நடித்த 'தொடரும்' படத்தை இயக்கியவரும், அவர் நடித்த பல படங்களில் காமெடி வேடத்தில் நடித்தவருமான ரமேஷ் கண்ணா அஜித் குறித்து என்ன கூறியுள்ளார் என்பதை பார்போம்

எனக்கும் அஜித்துக்கும் போன ஜென்ம பந்தம் இருக்கும் என நான் நினைக்கிறேன். நான் இயக்கிய முதல் படமான 'தொடரும்' படத்தில் அஜித் நடித்தார். அந்த காலகட்டத்தில் தமிழ் சினிமாவில் நல்ல மார்க்கெட் கொண்டிருந்த அஜித், புதுமுக இயக்குநர் என நினைக்காமல் என்னுடைய இயக்கத்தில் அவர் நடிக்க ஒப்புக் கொண்டது அவரது பெருந்தன்மையை காட்டுகிறது என்று கூறியுள்ளார். மேலும் அவருடைய நிறைய படங்களில் நான் நடித்திருப்பதும் எனக்கு கிடைத்த அதிர்ஷ்டமாக கருதுகிறேன்' என்று பேட்டி ஒன்றில் ரமேஷ் கண்ணா தெரிவித்துள்ளார்.

அஜித்துடன் ரமேஷ் கண்ணா, 'வரலாறு', ;அட்டகாசம்', 'ஆஞ்சநேயா', 'வில்லன்', 'அமர்க்களம்', 'உன்னை கொடு என்னை தருவேன்', போன்ற படங்களில் நடித்துள்ளார் என்பது குறிப்பிடத்தக்கது.