அம்மாவாக அனுஷ்கா

என்னை அறிந்தால் படத்தில் ஒரு சிறுமிக்கு அம்மாவாக நடித்தார் திரிஷா. அதையடுத்து மாயா படத்தில் நயன்தாரா அம்மாவாக நடித்தார். அவர்களைத் தொடர்ந்து சேதுபதி படத்தில் ரம்யா நம்பீசன் அம்மாவாக நடித்துள்ளார். இந்த நிலையில், அடுத்து அனுஷ்காவும் சூர்யாவுடன் நடித்து வரும் எஸ்-3 படத்தில் அம்மாவாக நடிக்கிறாராம்.

இதற்கு முன்பு சிங்கம், சிங்கம்-2 ஆகிய படங்களில் சூர்யாவின் காதலியாகவே நடித்திருந்தார் அனுஷ்கா. அவர்களது திருமணம் முடிவு செய்யப்பட்ட நிலையில், அவ்வப்போது சந்தித்துக்கொண்டனர். ஆனால் இப்போது எஸ்-3 என்ற பெயரில் உருவாகி வரும் சிங்கம்-3 படத்தில் சூர்யா-அனுஷ்காவின் திருமணம் முடிந்து அவர்களுக்கு குழந்தை பிறப்பது போன்று கதை உள்ளதாம். 

அதன்காரணமாக, திருமணத்திற்கு பிறகு கர்ப்பிணியாகும் வரை ஸ்லிம்மாக நடிக்கும் அனுஷ்கா, அதையடுத்து கர்ப்பிணியாகும்போது உடம்பில் வெயிட் போட்டு நடிக்கிறாராம்.