பாதசாரிகள் கடவையில் சென்ற மாணவிகள் விபத்தில் படுகாயம்

கொட்டகலை நகரில் சனிக்கிழமை (09) இடம்பெற்ற விபத்தில் 13 வயதுடைய இரண்டு பாடசாலை மாணவிகள் படுகாயமடைந்த மாணவிகள் நிலையில் நாவலபிட்டி வைத்தியசாலையில் அனுமதிக்கப்பட்டுள்ளதாக திம்புள்ள பத்தனை பொலிஸார் தெரிவித்தனர்.

கொட்டகலை நகரில் கொட்டகலை தமிழ் மகாவித்தியாலயத்துக்கு  முன்பாக உள்ள பாதசாரிகள் கடவையில் சென்று கொண்டிருந்த குறித்த இரு மாணவிகள் மீதும் வேன் ஒன்று மோதியுள்ளது. 

ஹட்டனிலிருந்து தலவாக்கலையை நோக்கி வேகமாக சென்ற வேனே இவ்வாறு மாணவிகள் மீது மோதியுள்ளது. இதனால் படுகாயமடைந்த மாணவிகள் முதலில் கொட்டகலை வைத்தியசாலையில் அனுமதிக்கப்பட்ட பின்னர் மேலதிக சிகிச்சைகளுக்காக நாவலபிட்டி வைத்தியசாலைக்கு மாற்றப்பட்டுள்ளனர். 

படுங்காயமடைந்த இரண்டு மாணவிகளும் கொட்டகலை தமிழ் மகாவித்தியாலயத்தில் 7ஆம் வகுப்பில் கல்வி கற்கின்றார்கள் என்றும் இந்த விபத்தை ஏற்படுத்திய சாரதியை கைது செய்து விசாரணைகள் மேற்கொண்டு வருவதாகவும் பொலிஸார் தெரிவித்தனர்.